آدھے سر کا درد، عارضہ قلب کا پیش خیمہ

آدھے سر کا درد، عارضہ قلب کا پیش خیمہ 

حال ہی میں ایک برطانوی طبی رسالہ میں یہ رپورٹ شائع کی گئی ہے کہ جو خواتین آدھے سر کے درد میں اکثر مبتلا رہتی ہیں وہ مستقبل میں عارضہ قلب کا بھی شکار ہو سکتی ہیں- جرمنی اور امریکہ کی ایک مشترکہ ریسرچ کے مطابق خواتین میں آدھے سر کی درد کی بیماری سے قبل عارضہ قلب کی بلکل بھی شکایت نہیں تھی- تقریباً ایک لاکھ خواتین کے چیک اپ کے بعد اس بات کا انکشاف ہوا کہ جو خواتین آدھے سر کی درد جیسی بیماری کا شکار ہوئی ہیں وہ اس بیماری میں مبتلا ہونے کے بعد عارضہ قلب کی شکایت کرتی ہوئی پائی گئیں

طبی ماہرین ایک میڈیکل اصطلاح "اورا" استعمال کرتے ہیں - "اورا " اس کیفیت کو کہتے ہیں کہ جس میں خواتین آدھے سر کی درد سے پہلے یا بعد میں آنکھوں کے سامنے روشنی کی جھماکے محسوس کرتی ہیں اور اسی حالت میں کسی منظر کا کچھ حصہ دکھائی دیتا ہے اور کچھ نہیں اور مریض کو اپنا توازن برقرار رکھنا مشکل ہو جاتا ہے- تحقیق سے اس بات کا بھی انکشاف ہوا کہ وہ خواتین جو "اورا" کا شکار ہوتی ہیں ان میں فالج کے اٹیک کے چانسز پچاس فیصد بڑھ جاتے ہیں