ویڈیو بنانے اور اسے آن لائن اپلوڈ کرنے والی عینک متعارف

ویڈیو بنانے اور اسے آن لائن اپلوڈ کرنے والی عینک متعارف

اس سال کے آخر تک اسنیپ چیٹ خصوصی سن گلاس متعارف کرائے گی جس میں لگا حساس کیمرہ 10 سیکنڈ کی وڈیو بناکر اسے ازخود اسنیپ چیٹ پر ریلیز کردیتا ہے۔  یہ عینک وائی فائی اور بلیو ٹوتھ کے ذریعے اسنیپ چیٹ ایپ کے ذریعے ویب سائٹ پر بھیج دیتی ہے۔ عینک کو اسپیکٹیکلز کا نام دیا گیا ہے جو انسانی آنکھ کی طرح ویڈیو بناتے بناتا اور اس لینس کا زاویہ 115 درجے رکھا گیا ہے۔

ویڈیو رکارڈ کرنے کے لیے چشمے کی کمانی پر لگا بٹن دبائیے جس کے بعد ویڈیو بننا شروع ہوجائے گی اور اگلے ورژن میں 30 سیکنڈ تک کی ویڈیو بھی ریکارڈ کی جاسکے گی۔ لیکن کمپنی کے چیف ایگزیکٹو کے مطابق اس ایجاد کو دھیرے دھیرے منظرِ عام پر لایا جائے گا کیونکہ ہمیں دیکھنا ہے کہ لوگ اسے کس طرح استعمال کرتےہیں۔ اسنیپ چیٹ پر اس سال جون تک 10 ارب ویڈیو دیکھی گئی تھیں۔ تاہم اس کی آزمائش کے بعد لوگوں نے ویڈیو کے معیار کو حیران کن قرار دیا ہے۔ ان عینکوں کی تعارفی قیمت قریباً 130 ڈالر یا پاکستانی 13 ہزار روپے سے کچھ زائد رکھی گئی ہے۔

Read More

ٹویٹر کا نیا اعلان

ٹویٹر کا نیا اعلان 

سوشل میڈیا کی ٹاپ کلاس ویب سائٹس میں ٹویٹر بھی کسی ویب سائٹ سے کم نہیں ہے-فیس بک کے بعد ٹویٹر ہی صارفین کے لیے زیادہ دلچسپی کا باعث ہے ٹویٹر کی وہ خامی جو اکثر صارفین کو تنگ کرتی تھی وہ الفاظ کی حد تھی - ٹویٹر نے اپنے صارفین کے لیے الفاظ کی حد محض ایک سو چالیس تک محدود کی ہوئی تھی مگر اب ایسا نہیں ہوگا - ٹویٹر کے سینئر پروڈکٹ مینیجر نے اپنی ایک میڈیا بریفنگ کے دوران بتایا کہ ٹویٹر اب اپنے صارفین کے لیے الفاظ کی پابندی کی حد ختم کرنے جا رہا ہے - ٹویٹر کی اس نئی اپ ڈیٹ سے صارفین اب اپنا میسج ایک سے زیادہ ٹویٹ کی بجانے ایک ہی ٹویٹ میں تحریر کر سکیں گے

اس سے قبل ٹویٹر شئیر کی جانے والی ویڈیوز، امیجز اور گفس کو بھی الفاظ کی صورت میں شامل کرتا تھا مگر اب یہ چیزیں الفاظ کا حصہ نہیں ہوں گی - اس کے علاوہ ٹویٹر میں ایک نیا بٹن بھی شامل کیا جا رہا ہے جس کو استعمال کرتے ہوے صارفین ری ٹویٹ کی سہولت سے مستفید ہوں گے- امید کی جا رہی ہے کہ ٹویٹر کے ان اقدامات کی وجہ سے اس کے صارفین کی تعداد میں کافی اضافہ ہو گا کیوں کہ وہ افراد جو ڈیجیٹل مارکیٹنگ کے شعبے سے وابستہ ہیں ان کو اپنا کام ایک بہتر طریقے سے سر انجام دینے کا موقع ملے گا لہٰذا انے والے دنوں میں ٹویٹر کے صارفین میں غیر معمولی اضافہ متوقع ہے

Read More

ٹیلی ویژن کی جدید ترین ٹیکنالوجی

ٹیلی ویژن کی جدید ترین ٹیکنالوجی 

موجودہ دور میں ٹیلی ویژن کی جو جدید ترین ٹیکنالوجی مارکیٹ میں دستیاب ہے وہ "فور کے " ہے- اس ٹیکنالوجی کے ٹی وی کافی مہنگے ہیں - جبکہ اس ٹیکنالوجی سے پہلے" یو ایچ ڈی" ٹیلی ویژن کی جدید ترین ٹیکنالوجی تھی- "یو ایچ ڈی " کا مطلب الٹرا ہائی ڈفیشنسی ہے - یو ایچ ڈی سے پہلے جو ٹیکنالوجی چل رہی تھی اس کا نام "ایچ ڈی" ہے- لیکن اب جاپان میں ٹی وی کی ایک اور ٹیکنالوجی پر ریسرچ ہو رہی ہے اور اس ٹیکنالوجی کا نام ہے "ایٹ کے ٹیکنالوجی" 

"ایٹ کے ٹیکنالوجی" پر دو مشہور زمانہ کومپنیوں کی مشترکہ ٹیم کم کر رہی ہے- جن میں سے ایک پینا سونک اور دوسری سونی ہے- "ایٹ کے ٹیکنالوجی" کو سپر ہائی ویژن ٹیکنالوجی کا نام دیا گیا ہے- یہ ٹیم سٹریمنگ اور کمپریشن ٹیکنالوجی پر کام کر رہی ہیں تا کہ "ایٹ کے ٹیکنالوجی" کے سگنلز کو عام براڈبینڈ پر براڈکاسٹ کیا جانے - دلچسپی کی بات یہ ہے کے اس وقت مارکیٹ میں ایٹ کے ٹیکنالوجی کا ٹی وی بک رہا ہے اور اس کی قیمت پاکستانی روپوں میں کروڑوں ہے - اور یہ ٹی وی شارپ کومپنی کا تیار کردہ ہے 

Read More

فیس بک نے بچوں کے لیے نئی ایپ لانچ کر دی

فیس بک نے بچوں کے لیے نئی ایپ لانچ کر دی

سماجی رابطوں کی مشہور زمانہ ویب سائٹ فیس بک نے اسکول جانے والے بچوں کے لیے ایک نئی ایپ متعارف کرا دی ہے- اس ایپ کا نام لائف سٹیج رکھا گیا ہے- لائف سٹیج کے یوزر اپنی من پسند تصویریں اور ویڈیوز اپلوڈ کر سکتے ہیں - مزے کی بات یہ ہے کہ اپ لوڈ ڈ ڈیٹا کو پھر ویڈیو پروفائل کی شکل دے دی جاتی ہے- لائف سٹیج فیس بک سے کافی حد تک مختلف فیچرز بھی سموے ہوے ہے- فیس بک میں آپ اپنی پوسٹس کو پبلک بھی رکھ سکتے ہیں اور پرائیویٹ بھی- مگر لائف سٹیج میں آپ کی تمام پوسٹس پبلک ہی ہوتی ہیں- یعنی آپ کی شئیر کی گئی ویڈیو تمام یوزرز دیکھ سکتے ہیں

لائف سٹیج کے بانی کا کہنا ہے کہ لائف سٹیج کو بنانے کا مقصد سکول کے بچوں میں محض رابطہ قائم رکھنا ہے-لائف سٹیج کے گروپ میں بچوں کی تعداد بیس سے زیادہ ہونے پر یوزر دوسرے یوزرز کا پروفائل دیکھ سکتا ہے- ٹیکنالوجی ماہرین کے مطابق لائف اسٹیج میں سیکورٹی کے متعلق خدشات موجود ہیں

Read More

انسانی دماغ کی ہیکنگ

برین کمپیوٹر انٹرفیس ایک ایسی ٹیکنالوجی کا نام ہے جس کا زر یعے انسانی دماغ کو براہ راست کمپیوٹر سے منسلک کیا جاتا ہے- گویا اس ٹیکنالوجی سے انسانی دماغ کو کنٹرول کیا جاتا ہے- ایک امریکی یونیورسٹی کی رپورٹ کے مطابق اب انسانی دماغ کو بھی ہیک کیا جا سکتا ہے- کچھ سائنس داں اس بات کا بھی انکشاف کر رہے ہیں کہ ماضی میں کچھ انسانوں کے دماغ ہیک کے جا چکے ہیں

برین کمپیوٹر انٹرفیس میں انسان کے دماغی سگنلز کو باقاعدہ ریڈ کیا جاتا ہے اور پھر اس ڈیٹا کو تصویری سانچے میں ڈھالا جاتا ہے- حاصل شدہ مواد سے انسان کی عادات اور خیا لات کو پرکھا جاتا ہے-دیکھنے میں یہ چیزیں عام سی لگتی ہیں مگر ہیکر ز اس کے زر یعے انسان کو تباہی کے دھانے پر بھی لا سکتے ہیں - انسان کی سماجی زندگی کو بری طرح متاثر کیا جا سکتا ہے 

مثال کے طور پر ایک ویڈیو گیم کھیلتے ہوے یوزر سے اکثر یوزر کے ذاتی ڈیٹا کا مطا لبہ کیا جاتا ہے- عام یوزر اسے ایک محض چھوٹی سی بات سمجھتا ہے جبکے ہیکر اسی سے آپ کے متعلق بہت کچھ جان چکا ہوتا ہے 

Read More

ایپل کمپنی آئی فون سیون میں ڈائل بٹن متعارف کرائے گی

سان فرانسسكو: آئی فون نے حال ہی میں اپنے آئی فون اور آئی پیڈ ٹیبلٹ کے لیے گھومنے والے چھوٹے بٹن پر مشتمل ایک ’تھمب بٹن‘ متعارف کرایا ہے جسے مختلف کاموں کے لیے استعمال کیا جاسکے گا۔

شاید یہ نیا بٹن آئی فون سیون کا حصہ بن سکے گا ۔ تاہم یہ خبریں بھی گرم ہیں کہ ایپل  آئی فون سیون کی بجائے اپنے نئے فون کو آئی فون سکس ایس ای کا نام دے گا۔ ایپل نے پیٹنٹ درخواست میں اسے ’ روٹری بٹن‘ کا نام دیا ہے جو آئی او ایس آلات پر نصب کیا جائے گا جو آواز، اسکرولنگ، ٹیکسٹ ری سائز کرنے اور دیگر کاموں کے لیے استعمال ہوگا۔ شاید یہ بٹن ایپل واچ اور دیگر آلات میں بھی متعارف کرایا جائے گا اور کمپنی کا خیال ہے کہ یہ ایپل واچ کو اسکرول، زوم اور میسجنگ کرنے میں کام آئے گا۔ اسے ” کیپیسیٹو ٹچ پینل فور سینسنگ مکینکل ان پٹس ٹو اے ڈیوائس” نام دیا گیا ہے جس کی پیٹنٹ درخواست مارچ 2014 میں دی گئی تھی لیکن اس پیٹنٹ میں آئی فون میں باقاعدہ بٹن بھی شامل کئے گئے ہیں جو دیگر کاموں میں کام آئیں گے۔ مثلاً ایک پاور بٹن سے فون کو آن یا آف کیا جاسکے گا۔

ایپل کمپنی کے مطابق اس گھومنے والے بٹن کو آئی پیڈ کے نیچے اور آئی فون کے اوپر لگایا جائے گا اور اس کی کچھ ڈرائنگز اور خاکے جاری کئے گئے ہیں۔ اس کے علاوہ آئی فون کے نئے ماڈل میں فنگر پرنٹنگ، آپٹیکل اور الٹرا سونک سینسر بھی نصب ہوں گے۔ اس کے علاوہ ایپل نے فنگر پرنٹ ٹیکنالوجی بھی متعارف کرنے کا اعلان کیا ہے۔ واضح رہے کہ اس سے قبل بلیک بیری الیکٹرون فون میں آخری مرتبہ 2006 تھمب بٹن دیکھا گیا تھا۔

Read More

مشہور انٹرنیٹ کمپنی ’’یاہو‘‘ کے اثاثے 4.8 ارب ڈالر میں فروخت

نیویارک: مشہور انٹرنیٹ کمپنی ’’یاہو‘‘ اپنے بنیادی اثاثے ’’ویریزن کمیونی کیشن‘‘ کو 4.8 ارب ڈالر میں فروخت کررہی ہے یعنی پاکستانی روپوں میں اس سودے کی مالیت 480 ارب روپے سے زائد بنتی ہے۔

عالمی میڈیا کے مطابق آج نیویارک اسٹاک ایکسچینج میں ٹریڈنگ شروع ہونے سے پہلے اس سودے کا باقاعدہ اعلان کیا جائے گا تاہم یاہو اور ویریزن، دونوں نے اس خبر پر تبصرہ کرنے سے معذرت کرلی ہے۔ یاہو گزشتہ چند سال سے شدید مالی مشکلات کا شکار ہے اور بقاء کی جدوجہد میں نئی حکمتِ عملی کی جستجو میں ہے۔ ویریزن نے پچھلے سال امریکا آن لائن (اے او ایل) 4.4 ارب ڈالر میں خریدی تھی، جس کے بعد یاہو کے اہم اثاثوں کی خریداری اس کا ایک اور بڑا سودا ہوگا جس سے ویریزن کو آن لائن ایڈورٹائزنگ سے متعلق ٹیکنالوجی ٹولز، سرچ انجن، میل، میسنجر اور جائیداد (ریئل اسٹیٹ) سمیت، یاہو کے بہت سے اثاثوں کے مالکانہ حقوق حاصل ہوجائیں گے۔

اس سودے کے بعد یاہو کی اصل انتظامیہ کے پاس صرف یاہو جاپان کے 35.5 فیصد جبکہ چینی ای کامرس کمپنی ’’علی بابا گروپ ہولڈنگ لمیٹڈ‘‘ کے 15 فیصد شیئرز رہ جائیں گے۔

Read More

فیس بک میں انسٹاگرام کے مزے

انسٹاگرام ایپلی کیشن کو پسند کرنے کی ایک بڑی وجہ یہ ہے کہ اس میں بہترین فوٹو ایڈیٹنگ ٹولز موجود ہوتے ہیں جن کی بدولت صارفین تصاویر پر مختلف فلٹرز لگا کر انھیں مزید دلکش بنا سکتے ہیں اور اس کا سائز وغیرہ بھی بدل سکتے ہیں۔

جبکہ فیس بک جہاں سب سے زیادہ صارفین موجود ہیں اور تصاویر اپ لوڈ کرنے کی تعداد بھی زیادہ وہاں ایسی کوئی سہولت نہیں تھی تاہم اب فیس بک نے اس خامی کو دُور کر دیا ہے۔

اب آپ فیس بک پر اپنی تصاویر اپ لوڈ کرتے ہوئے ان میں ایڈیٹنگ بھی کر سکیں گے۔ اس فوٹو ایڈیٹر ٹول کی مدد سے آپ تصاویر پر دلکش فلٹرز لگا کر انھیں مزید خوبصورت بنا سکتے ہیں۔

اس فوٹو ایڈیٹر کے ذریعے تصاویر کو کروپ بھی کیا جا سکے گا یعنی تصویر کا غیر ضرور حصہ باآسانی تصویر سے الگ کیا جا سکے گا۔

اس کے علاوہ تصویر پر کوئی متن بھی لکھا جا سکے اور دلچسپ اسٹکرز بھی لگائے جا سکیں گے۔

Read More

ایل جی کا جدید ٹی وی جو مچھروں کو بھی بھگا سکتا ہے

معروف جنوبی کورین ٹیکنالوجی کمپنی ایل جی اپنی نت نئی جدید مصنوعات کے حوالے سے مشہور ہے۔ انڈیا میں موجود اس کمپنی کے ذیلی ادارے نے ایسا ٹی وی متعارف کرایا ہے جو مچھروں کو بھگانے کی صلاحیت بھی رکھتا ہے۔

آج کل زیکا ڈینگی وائرس انتہائی ملک مرض کی صورت میں موجود ہے جو کہ مچھر سے پھیلتا ہے۔ اس سے بچنے کے لیے مچھروں کو بھگانا انتہائی ضروری ہے۔

یہی وجہ ہے کہ ایل جی انڈیا کا متعارف کرایا گیا یہ ٹی وی ایسی آواز نکالتا ہے جو کہ انسانی کان نہیں سن سکتے البتہ وہ مچھروں کی سماعت پر بہت ناگوار گزرتی ہے اور مچھر بھاگنے پر مجبور ہو جاتے ہیں۔

مزیدار بات یہ ہے کہ یہ تکنیک ٹی وی کے آف ہونے کی صورت میں بھی کام جاری رکھ سکتی ہے۔ تاہم ایل جی کا کہنا ہے کہ ہمارا ٹی وی مچھروں کے خلاف مزاحمت کرنے والی دیگر مصنوعات کی جگہ بالکل نہیں لینا چاہتا۔

یہ مچھر بھگاؤ ٹی وی دو مختلف ماڈلز میں 26500 اور 47500 بھارتی روپے کی قیمت میں فروخت کے لیے پیش کیا جا رہا ہے۔ ایل جی کی ویب سائٹ کے مطابق یہ ٹی وی بھارت کے علاوہ اگلے ماہ فلپائن اور سری لنکا میں بھی پیش کیا جائے گا۔ اس کے علاوہ فی الحال کسی اور ملک میں یہ ٹی وی پیش نہیں کیا جائے گا۔

Read More

انٹر نیٹ کے بغیر یوٹیوب ویڈیوز دیکھنا بھی ممکن ہو گیا

انٹر نیٹ کے بغیر ویڈیو شیئرنگ ایپ یوٹیوب کا استعمال ممکن نہیں مگر اب یو ٹیوب نے اس حوالے سے زبردست فیچر متعارف کرایا ہے۔

کیلی فورنیا: (ویب ڈیسک) موبائل پر ویڈیوز دیکھنے والوں کیلئے یوٹیوب نے ایک اور آسان سہولت متعارف کروا دی۔ یوٹیوب نے ایک فیچر اسمارٹ آف لائن کو متعارف کرایا ہے جس کے تحت ویڈیوز کو کسی اسمارٹ فون پر انٹر نیٹ کنکشن کے بغیر رات بھر میں ڈاﺅن لوڈ کر سکیں گے اور انہیں کسی بھی وقت اور کہیں بھی دیکھا جا سکے گا ۔ یوٹیوب نے یہ فیچر ابھی بھارت کے اسمارٹ فون صارفین کے لیے متعارف کرایا ہے۔ اس کے لیے یوٹیوب نے بھارت میں کام کرنے والی موبائل کمپنیوں ائیر ٹیل اور ٹیلی نار سے شراکت داری کی ہے۔ یوٹیوب کے مطابق کہ اس فیچر کو جلد انڈیا بھر میں کام کرنے والے موبائل نیٹ ورکس تک توسیع دی جائے گی اور توقع کی جا رہی ہے کہ دیگر ممالک جیسے پاکستان میں بھی اسے متعارف کرایا جائے گا۔ نئے فیچر کو صرف وہی صارفین استعمال کر سکیں گے جو سیلولر ڈیٹا نیٹ ورک سے منسلک ہوں گے تاہم یہ آپشن وائی فائی پر نظر نہیں آئے گا اور یوٹیوب ویڈیوز پر گرے ایرو پر کلک کر کے کلپس کو آف لائن دیکھنے کے لیے محفوظ کر سکیں گے۔ یوٹیوب کے مطابق صارفین اپنی پسند کی ویڈیوز پر کلک کر کے رات کو سو جائیں اور اگلی صبح اٹھیں گے تو وہ ویڈیو آف لائن دیکھنے کے لیے تیار ہوں گی اور کسی قسم کی بفرنگ کا بھی سامنا نہیں کرنا پڑے گا۔ یہ ویڈیوز اسمارٹ فون میں ویڈیوز کے فولڈر میں محفوظ ہوں گی اور صارفین ان ویڈیوز کو موبائل ایپ کی مدد سے اپنے فون میں محفوظ کر سکیں گے۔

Read More

ایک فون پر دو دو وٹس ایپ اور فیس بک اکاؤنٹس استعمال کریں

ڈوئل سم فون آج کل عام استعمال میں ہیں اور انہیں استعمال کرنے کی کئی ناگزیر وجوہات ہیں جن میں کوئی شخص اپنے ذاتی اور کاروباری معاملات کو الگ الگ رکھنا چاہتا ہے تو اسے دو موبائل نمبرز کی ضرورت ہو سکتی ہے لیکن اب آپ ایک ایپ کے ذریعے ہی اپنے فون پر 2 اکاؤنٹس استعمال کرسکتے ہیں۔

دوسروں کی ضروریات کو سمجھنے والی ایپلی کیشنز جیسے کہ انسٹاگرام موجود ہے جو یہ اجازت دیتی ہے کہ ایک ہی فون پر 2 اکاؤنٹس استعمال کیے جا سکیں لیکن وہیں وٹس ایپ اور فیس بک جیسی ایپلی کیشنز بھی موجود ہیں جو سمجھتی ہیں کہ کسی کے لیے بھی ایک اکاؤنٹ کافی ہے۔ ڈوئل سم فون ہونے کے باوجود آپ فیس بک اور وٹس ایپ کے دو اکاؤنٹ ایک فون پر استعمال نہیں کر سکتے۔

ایسی صورت حال میں پیرالل اسپیس (Parallel Space) ایپلی کیشن اپنی خدمات مفت پیش کرتی ہے جس کے ذریعے آپ ایک فون پر باآسانی فیس بک، وٹس ایپ اور جس ایپلی کیشن کے چاہیں 2 اکاؤنٹس استعمال کر سکتے ہیں۔ اس ایپلی کیشن کی انسٹالیشن کے بعد آپ دیکھیں گے کہ فیس بک اور وٹس ایپ جیسی ایپلی کیشنز کے آئی کن کے گرد ایک لکیر لگا دی گئی ہے جس ایپلی کیشن کا آپ دوسرا اکاؤنٹ بنانا چاہیں اس کے نیچے پلس کے بٹن پر کلک کریں تو وہ ایپلی کیشن بالکل ابتدائی انداز میں کھل جائے گی جس میں آپ نیا اکاؤنٹ لاگ ان کر سکیں گے۔ اس طرح ایک ہی ایپلی کیشن میں آپ کے دو دو اکاؤنٹس باآسانی اور بیک وقت کام کرتے رہیں گے۔

Read More

بلیو ٹوتھ کا مطلب کیا ہے؟

آج تقریباً ہر موبائل میں بلیو ٹوتھ نام کی ایک ڈیوائس موجود ہے لیکن کبھی آپ نے سوچا کہ بلیو ٹوتھ کے نام کے معنی کیا ہیں، اس کا نام بلیوٹوتھ کیوں رکھا گیا اور اس کا ماخذ کیا ہے؟

لاہور: (نیٹ نیوز) بلیو ٹوتھ ڈیوائس 1994ء میں معروف ٹیلی کام کمپنی ‘‘ایرکسن’’ کے سافٹ ویئر انجینئرز کی ٹیم نے ایجاد کی تھی لیکن اس کا نام 1997ء میں بلیو ٹوتھ رکھا گیا۔ اس ٹیم کے ایک رکن جم کارڈیک 1997ء میں تاریخی ناول ‘‘دی لانگ شپس’’ پڑھ رہے تھے۔ اس ناول میں قدیم ڈنمارک کے بادشاہ ہرالڈ بلیو ٹوتھ کے کارنامے بیان کئے گئے تھے کہ کس طرح اس نے ڈنمارک کو متحد کرکے سلطنت قائم کی۔ ہرالڈ بلیو ٹوتھ ایک زیرک انسان تھا۔ اس نے اپنے دور اقتدار میں ڈنمارک کے منقسم اور بکھرے ہوئے قبائل کو ایک سلطنت کے تحت متحد کیا تھا۔ بلیو ٹوتھ ڈیوائس بھی چونکہ ایک سے زائد ڈیوائسز کو باہم منسلک کرتا ہے، اس لیے اس کا نام ہرالڈ بلیو ٹوتھ کے نام پر رکھا گیا یہی نہیں بلکہ بلیو ٹوتھ کا لوگو بھی ہرالڈ بلیو ٹوتھ کے نام کے ابتدائی حروف کو باہم ملا کر بنایا گیا ہے۔

Read More

Microsoft takes on Oracle, opening up database software to Linux

(Reuters) - Microsoft Corp planned on Monday to announce its move into a new business, unveiling a database software that works with a rival to its Windows operating system, a move that takes aim at a market long dominated by Oracle Corp.

Microsoft’s new database product will work with the Linux operating system. The move is the latest to show Microsoft’s increasing willingness to work with competing products, a radical change for the once fiercely protective company.

Microsoft’s more open strategy has become a hallmark of Chief Executive Officer Satya Nadella since he took over in 2014.

In an era of exploding amounts of data, much of it used by companies trying to win more business and establish competitive edges, data management has become critically important.

Overall database-software sales, well north of $30 billion, have kept rising even though spending in information technology has been generally lackluster, said Gartner analyst Merv Adrian.

“If you look at the companies that are transforming and disrupting industries, it is often with data at the core,” said Scott Guthrie, executive vice president for cloud and enterprise at Microsoft. “All of them are using data in a much richer way now to understand their customers.”

He cited electronic signature company DocuSign as a longstanding customer of SQL Server, the database product that is expanding to Linux. So is Renault Sport, which uses sensors that collect myriad data points to hone performance of Formula One racing teams.

Microsoft’s SQL Server business ranks behind No. 1 Oracle, which has more than 40 percent market share in database software and works with Linux, Adrian said.

Microsoft has 21.5 percent of the market, he said, pushing International Business Machines Corp from second to third place in 2013. The product is one of Microsoft’s biggest business lines. SAP SE also competes in the area.

Until now, Microsoft on-premises database software worked only with its own Windows operating system. Now it will work with Linux, which has gained significant traction in recent years.

“Larry’s not going to lose any sleep,” said Adrian, referring to Oracle CEO Larry Ellison, “but yes, they’ll notice it. It’s a significant competitive threat they didn’t have before.”

It was unclear how many customers Microsoft will win for its Linux product, which will be in preview mode until mid 2017.

Under Nadella, Microsoft has made many products compatible with other systems, including Apple’s iOS. Late last year, it opened its cloud service, Azure, to customers of Red Hat(RHT.N), a company that makes a popular version of Linux.

Read More

Email inventor Ray Tomlinson dies at 74

WASHINGTON (AFP) - Ray Tomlinson, the American programmer widely credited with inventing email, has died. He was 74. 

Before Tomlinson invented direct electronic messages between users on different machines on a certain network in 1971. Before then, users could only write messages to others using the same computer.

"A true technology pioneer, Ray was the man who brought us email in the early days of networked computers," his employer, Raytheon, said in a statement.

"His work changed the way the world communicates and yet, for all his accomplishments, he remained humble, kind and generous with his time and talents, He will be missed by one and all."

A company spokesman said Tomlinson passed away on Saturday, and the cause of death was not yet confirmed.

Tributes poured in from the online world.

"Thank you, Ray Tomlinson, for inventing email and putting the @ sign on the map. #RIP," Google s Gmail team tweeted.

Vint Cerf, considered one of the fathers of the Internet who was once a manager of the US Defense Advanced Research Projects Agency (DARPA), lamented the "very sad news" of Tomlinson s passing.

When Tomlinson invented the user@host standard for email addresses, it was applied at DARPA s ARPANET, the Internet s precursor. He was the first to use the @ symbol in this way, to distinguish a user from its host.

The Massachusetts Institute of Technology graduate detailed his creation on his blog, in an attempt to prevent legend from overtaking the facts.

"The first message was sent between two machines that were literally side by side" connected only through ARPANET, he wrote on his blog.

" I sent a number of test messages to myself from one machine to the other. The test messages were entirely forgettable and I have, therefore, forgotten them.

"Most likely the first message was QWERTYUIOP or something similar," he added, referring to the first letters on the traditional English-language keyboard.

"When I was satisfied that the program seemed to work, I sent a message to the rest of my group explaining how to send messages over the network. The first use of network email announced its own existence."

Read More

ایف بی آئی سے تنازع، زکربرگ کا ایپل سے اظہارِ ہمدردی

سماجی روابط کے لیے دنیا کی مقبول ترین ویب سائٹ فیس بک کے چیف ایگزیکیٹو مارک زکربرگ نے کہا ہے کہ وہ وفاقی تحقیقاتی ادارے ایف بی آئی سے تنازع کے تناظر میں ٹیکنالوجی کمپنی ایپل کے تئیں ہمددری کے جذبات رکھتے ہیں۔

ایف بی آئی نے اپیل کو حکم دیا ہے کہ وہ سان برنارڈینو میں حملہ کرنے والے رضوان فاروق کے آئی فون کو ’ان لاک‘ کرے تاکہ اس میں موجود مواد تک رسائی مل سکے تاہم ایپل نے اس حکم کی تعمیل سے انکار کیا ہے۔

مارک زکربرگ نے پیر کو کہا کہ وہ اس بات میں یقین نہیں رکھتے کہ حکام کے پاس انکرپشن کے تحت محفوظ بنائے جانے مواد تک رسائی کا کوئی چور دروازہ ہو۔

سپین کے شہر بارسلونا میں موبائل ورلڈ کانگریس کے دوران زکربرگ کا کہنا تھا کہ ’مجھے نہیں لگتا کہ انکرپشن توڑنے کے لیے چور دروازے بنانا، سکیورٹی بہتر بنانے کے تناظر میں موثر اقدام ہے یا یہ کوئی درست عمل ہے۔‘

’ہمیں ٹم کک اور ایپل سے ہمدردی ہے۔‘

انھوں نے یہ بھی کہا کہ جہاں ان کی کمپنی دہشت گردی کے خلاف ہر ممکن اقدام کرنے کے لیے پرعزم ہے وہیں وہ انکرپشن کی بھی حامی ہے۔

اس سے قبل فیس بک نے جمعرات کو ایپل کی جانب سے اس عدالتی فیصلے کی مخالفت کی حمایت کی تھی جس میں ایپل کو کے لیے آیف بی آئی کی مدد کرنے کا حکم جاری کیا گیا تھا۔

خیال رہے کہ گذشتہ دسمبر میں رضوان فاروق نے کیلیفورنیا کے شہر سان برناڈینو میں اپنی بیوی تاشفین ملک کے ساتھ مل کر 14 افراد کو گولی مار کر ہلاک کر دیا تھا جس کے بعد پولیس نے انھیں بھی گولی مار دی تھی۔

رضوان فاروق سے ایک آئی فون برآمد ہوا تھا اور اس فون میں موجود تحریری اور تصویری مواد تک رسائی کے معاملے پر ٹیک کمپنیوں اور قانون نافذ کرنے والے اداروں کے مابین انکرپشن کی حدود پر تنازع سامنے آیا ہے۔

خیال رہے کہ عدالت نے ایپل کو حکم دیا تھا کہ وہ سان بارنارڈینو کے حملہ آور سید رضوان فاروق کے آئی فون میں موجود ڈیٹا تک رسائي کے لیے ایف بی آئی کی مدد کرے۔

تاہم ایپل کے چیف ایگزیکٹیو ٹم کک کی جانب سے جاری کردہ ایک بیان میں کہا گيا تھا کہ ’امریکہ کی حکومت نے ایپل کو ایک بے مثل قدم اٹھانے کا مطالبہ کیا ہے جس سے ہمارے صارفین کی سلامتی کو خطرہ ہے۔ ہم اس حکم کی مخالفت کرتے ہیں، جس کے حالیہ قانونی مقدمے کے علاوہ بھی اثرات ہیں۔‘

فیس بک کے علاوہ ٹوئٹر اور گوگل نے بھی اس معاملے پر ایپل کی حمایت کا اعلان کیا ہے۔

Read More

گوگل نے گوگل ٹرانسلیٹ میں سندھی اور پشتو کی سپورٹ شامل کردی

گوگل نے گوگل ٹرانسلیٹ میں 13 نئی زبانوں کی سپورٹ شامل کی ہے۔ ان 13 زبانوں میں پاکستان کی دو زبانیں سندھی اور پشتو بھی شامل ہے۔ گوگل ٹرانسلیٹ پر اب 103 زبانوں کی سپورٹ شامل ہوگئی ہے۔ یہ 103 زبانیں اس وقت دنیا کی 99 فیصد آبادی کی زبانیں بھی ہیں۔

سندھی اور پشتو پاکستان کی اہم زبانیں ہیں۔ سندھی صوبہ سندھ کی دفتری زبان بھی ہے جبکہ پشتو پاکستان کی پختون آبادی کی زبان ہے۔ گوگل کا اندازہ ہے کہ سندھی بولنے والوں کی تعداد 25 ملین اور پشتو بولنے والوں کی تعداد 43 ملین افراد ہیں۔گوگل ٹرانسلیٹ میں اس وقت پاکستان کی 4زبانیں شامل ہوگئیں ہیں۔ اردو اور پنجابی تو پہلے سے موجود تھیں اب سندھی اور پشتوکا اضافہ بھی ہوگیا ہے۔

Read More

نئے ’بگ‘ سے لاکھوں آلات متاثر ہونے کا خدشہ

ماہرین نے کمپیوٹرز کی سکیورٹي کے لیے خطرہ قرار دیے جانے والے ایک اور سنگین ’بگ‘ یعنی خرابی کا پتہ چلایا ہے جس سے لاکھوں کمپیوٹر آلات، ایپس اور سروز متاثر ہونے کا خطرہ ہے۔

یہ خرابی اس قدر پیچیدہ ہے کہ ابھی یہ معلوم کرنا ذرا مشکل ہے کہ اس کے نتائج کتنے سنگین ہو سکتے ہیں۔ انگلینڈ میں سری یونیورسٹی میں سکیورٹی امور کے ماہر پروفیسر الین وڈورڈ کا کہنا کہ ’اس وقت بہت سے لوگ یہ معلوم کرنے کی کوشش میں مصروف ہیں کہ کیا یہ واقعی بہت ہی خطرناک ہے یا پھر ہم گولی سے بچ نکلے۔‘ یہ نیا وائرس یا بگ ’جی ایل آئی بی سی‘ نامی کوڈ میں پایا جاتا ہے جس کا زیادہ تر استعمال انٹرنیٹ سے آلات منسلک کرنے کے لیے کیا جاتا ہے اور اس کا ایک اہم کام ڈومین کی دیکھ بھال کرنا بھی ہوتا ہے۔ جی ایل آئی بی سی میں پائے جانے والے اسی وائرس کا ہیکرز غلط استعمال کر سکتے ہیں۔ اس سلسلے میں ریڈ ہیٹ کے سکیورٹی انجینیئروں کے ساتھ کام رکنے والے گوگل کے انجینیئروں نے اس سلسلے میں ایک ’سکیورٹی پیچ‘ بھی جاری کیا ہے۔ اب یہ مینیوفیکچررز اور لینکس آپریٹنگ سسٹم چلانے والی کمپنی پر منحصر ہے کہ وہ متاثرہ سافٹ ویئرز اور آلات کے لیے جتنی جلدی ممکن ہو سکے اس پیچ کو جاری کریں۔ اس وائرس سے متعلق گوگل کی ٹیم نے ایک بلاگ میں اس بات کی وضاحت کی ہے کہ کس طرح عام طور پر استعمال کیے جانے والے کوڈ کا استحصال کرتے ہوئے کمپیوٹر، انٹرنیٹ راؤٹرز یا ایسی ڈیوائسز سے منسلک دیگر اشیا تک وہاں موجود ہوئے بغیر رسائی حاصل کی جا سکتی ہے۔ واشنگٹن ڈي سی میں کمپیوٹر کی سکیورٹی پر تحقیق کرنے والے کینتھ وہائٹ کا کہنا ہے کہ ’یہ کوئی آسمان گرنے والی جیسی صورت حال نہیں ہے لیکن یہ سچ ہے کہ اس بات کا امکان ہے کہ اس سے انٹرنیٹ سے مربوط سروسز کو ہیکرز کی جانب سے سسٹم کریش کرنے اور ریموٹ کوڈ سے حملے کا خطرہ ہے۔‘ ان کا کہنا تھا کہ ابھی تک کوڈ کی اس خامی کا فائدہ اٹھا کر کوئی ایسا حملہ نہیں ہوا ہے لیکن اس بات کا امکان ہے کہ ہیکرز کمزوریوں سے فائدہ اٹھانے کی کوشش کریں گے۔

Read More

ایپل، فیس بک اور مائیکروسوفٹ کی فی سیکنڈ مجموعی آمدنی 2 ہزار ڈالر ہے، سروے

سان فرینسسکو: امریکی ادارے کی جانب سے کیے گئے سروے کے مطابق ایپل، مائیکروسوفٹ اور فیس بک کمپنیاں مشترکہ طور پر 2 ہزار ڈالر فی سیکنڈ کمارہی ہیں اور ان میں سے 50 فیصد سے زائد رقم ایپل کے حصے میں آرہی ہے۔

امریکی ادارے ٹیکس جسٹس کا کہنا ہےکہ ٹیکنالوجی سے وابستہ مشہور کمپنیاں کم ازکم سال میں 90 ارب ڈالر کا ٹیکس ادا نہیں کرتیں اور وہ اس کے لیے مختلف حربے استعمال کرتی ہیں۔ کمپنی کے مطابق ایپل، ایلفابیٹ، مائیکروسوفٹ اور فیس بک فی منٹ ایک لاکھ 40 ہزار ڈالر رقم بنارہی ہیں جب کہ فیس بک کے اثاثوں میں تیزی سے اضافہ ہورہا ہے کیونکہ 2015 کی ابتدا میں اس کے اثاثے 3.85  ارب ڈالر تھے جو اب 5.84 ڈالر تک پہنچ چکے ہیں۔

کمپنی کے مطابق ایپل کے رواں ہفتے کے اثاثے 547 ارب ڈالر تک پہنچ چکے ہیں جب کہ دلچسپ بات یہ ہے کہ یہ 4 کمپنیاں دولت کمانے میں دنیا کی تمام تیل کی کمپنیوں سے بھی آگے ہیں اور ان کی دولت میں مسلسل اضافہ ہورہا ہے۔ کمپنی سروے کے مطابق ٹویٹر کمپنی اسٹاک بازار میں زیرِ گردش حصص کی 45 فیصد آمدنی اپنے ملازمین کو دیتی ہے اور گزشتہ برس اس نے اپنے ملازمین کو تنخواہوں اور فائدے کی مد میں 631 ملین ڈالر دیئے ہیں۔

Read More

گوگل کی کمپنی ’’الفابیٹ‘‘ نے منافع کمانے میں ’’ایپل‘‘ کو پیچھے چھوڑ دیا

لندن: یہ دور ٹیکنالوجی اور انٹرنیٹ کا دور ہے اور اس میں کام کرنے والی کمپنیاں نفع کمانے کے نئے ریکارڈ قائم کر رہی ہیں اور اکثر نفع کمانے میں گوگل اور ایپل کا سامنا رہتا ہے تاہم اب تازہ ترین رپورٹ میں کہا گیا ہے کہ گوگل کی مالک کمپنی الفابیٹ نے چوتھی سہ ماہی کا منافع کمانے میں ایپل کو پچھاڑ دیا اورٹیکنالوجی کی دنیا کی قیمتی ترین کمپنی بن گئی ہے۔

رپورٹ کے مطابق الفابیٹ کمپنی نے رواں مالی سال کی چوتھی سہ ماہی میں 4.9 ارب ڈالر کمائے اور یوں ان کے سالانہ نفع میں 4.7 ارب ڈالر کا اضافہ ہوا ہے جس سے الفابیٹ کے شیئر کی قمیت میں 9 فیصد اضافہ ہوگیا۔ اس اضافے کے بعد اب الفابیٹ کمپنی کی قیمت 568 ارب ڈالر ہوگئی ہے جو پاکستانی روپوں میں 568 کھرب روپے بنتی ہے جب کہ ایپل کی کل قمیت 535 ارب ڈالرہے۔ رپورٹ کے مطابق یہ پہلا موقع ہے کہ الفابیٹ کا سالانہ نفع 16.3 ارب ڈالر سے بڑھا ہے جب کہ اسی کمپنی کی ایک اور شاخ ادر بیٹس کو اسی سہ ماہی کے دوران 3.6 ارب ڈالر کا نقصان ہوا، گوگل کا آپریٹنگ انکم بڑھ کر 23.4 ارب ڈالر تک پہنچ گئی ہے اوراس کی نفع میں اضافہ کی بڑی وجہ آن لائن اشتہارروں میں اضافہ ہے۔ الفابیٹ کے شیئر کی قیمت اس وقت 770 ڈالر ہے جب کہ اس کی اسٹاک مارکیٹ میں قیمت 517 ارب ڈالر تک پہنچ گئی ہے۔

مزوہو سیکورٹیز کے مینجنگ ڈائریکٹر کا کہنا ہے کہ اس سے ثابت ہورہا ہے کہ گوگل مسلسل موبائل اشتہارات میں لیڈ کر رہا ہے جب کہ تجزیہ کاروں کے مطابق ایپل نے گزشتہ سال اپنے فیچرز میں کوئی بڑا انوکھا آئیڈیا نہیں دیا جب کہ اس کے مقابلے میں الفابیٹ نے کئی نئے آئیڈیا دیئے ہیں جس کا اسے انعام نفع کی صورت میں ملا۔ گوگل پر سال بھر ڈرایورلیس کار، انٹرنیٹ رکھنے والے غباروں اور گوگل گلاس کے لاؤنچ کرنے سے متعلق کافی دباؤرہا تاہم پھر بھی گوگل نے میدان مارلیا۔

Read More

سام سنگ گلیکسی فون بیک اپ اور اپ گریڈ کریں ’’کائیز‘‘ سے

سام سنگ گلیکسی ایک معروف ترین اسمارٹ فون سیریز ہے۔ جس طرح آئی فون کو کمپیوٹر پر مکمل بیک اپ کرنے اور اس کا آپریٹنگ سسٹم اپ گریڈ کرنے کے لیے آئی ٹیونز دستیاب ہے بالکل اسی طرح سام سنگ نے گلیکسی سیریز کے لیے ایک پروگرام ’’کائیز‘‘ فراہم کر رکھا ہے۔ اس پروگرام کو انسٹال کرنے کے بعد آپ اپنے فون کو بذریعہ یو ایس بی کیبل پی سی سے کنیکٹ کر کے اپنا تمام ڈیٹا یعنی کانٹیکٹ نمبرز، ایس ایم ایس سے لے کر تمام تصاویر و وڈیوز کو کمپیوٹر پر بیک اپ کر سکتے ہیں اور پھر جب چاہیں اس ڈیٹا کو ری اسٹور بھی کر سکتے ہیں۔

اس پروگرام کی خاص بات اینڈروئیڈ ورژن اپ گریڈ کرنا ہے۔ اگر آپ اپنے فون کوبراہِ راست اپ گریڈ نہیں کر پا رہے تو اس پروگرام کو آزمائیں، چونکہ یہ آپ کے کمپیوٹر کا انٹرنیٹ استعمال کرتا ہے اس لیے جلد اپ گریڈ ڈاؤن لوڈ کر لیتا ہے اور پھر آپ کا فون اینڈروئیڈ کے تازہ ترین دستیاب ورژن پر اپ گریڈ کر دیتا ہے۔

یہاں لگے ہاتھوں آپ کو سام سنگ گلیکسی کی ایک اہم ٹپ بھی بتاتے ہیں۔ اکثر فون بذریعہ یو ایس بی کیبل پی سی سے کنیکٹ نہیں ہو پاتے۔ اس کی وجہ سے فون کو یہ پروگرام بھی کنیکٹ نہیں کر پاتا۔ اس مسئلے کو حل کرنے کے لیے اپنے فون کے ڈائل پیڈ پر درج ذیل کوڈ ٹائپ کریں:

*#0808#

یو ایس بی سیٹنگز کا مینو کھل جائے گا۔ یہاں اوپر موجود USB کے حصے سے AP اور نیچے والے خانے میں MTP سلیکٹ کر کے REBOOT کے بٹن پر کلک کر دیں۔ فون جب دوبارہ آن ہو گا تو باآسانی پی سی سے کنیکٹ ہو جائے گا۔ کائیز بھی اب فون کو کنیکٹ کر سکتا ہے۔

کائیز پروگرام ڈاؤن لوڈ کرنے کے لیے درج ذیل ربط پر جائیں:

پروگرام کو ڈاؤن لوڈ کرنے سے پہلے اپنا اینڈروئیڈ ورژن ضرور دیکھ لیں کیونکہ کائیز پرانے اور نئے اینڈروئیڈ ورژنز کے لیے الگ الگ دستیاب ہے۔ اس کے علاوہ کائیز کے ڈاؤن لوڈ بٹن کے ساتھ یہ بھی لکھا ہے کہ یہ کون کون سے فون ماڈل کے ساتھ کام کرنے کی صلاحیت رکھتا ہے۔

کائیز کی اچھی بات یہ بھی ہے کہ یہ پروگرام ونڈوز کے لیے میک سسٹم کے لیے بھی دستیاب ہے اور یو ایس بی کیبل کے ساتھ ساتھ وائرلیس طور پر بھی فون کو کنیکٹ کر سکتا ہے۔

دیگر اسمارٹ فون ڈیوائس منیجر پروگرامز کی طرح اس کے ذریعے بھی آپ فون کا سارا ڈیٹا پی سی پر دیکھ سکتے ہیں۔ اس کے ذریعے ڈیٹا فون میں کاپی کر سکتے ہیں اور فون کا ڈیٹا پی سی پر کاپی بھی کر سکتے ہیں۔

اس کے علاوہ اگر آپ پلے اسٹور کی بجائے پی سی ایپلی کیشنز انسٹال کرنے کے لیے کسی طریقے کی تلاش میں تھے تو کائیز انسٹال کر لیں کیونکہ یہ دلچسپ فیچر بھی اس پروگرام میں شامل ہے۔ 

Read More